28.2 C
Phnom Penh

AUTHOR NAME

ឌឹ ខេមបូឌា ដេលី

1422 POSTS
0 COMMENTS

បុរស​ខ្លាំង​ហ្វីលីពីន​ជិត​អស់​អំណាច ខណៈ​តុលាការ​អន្តរជាតិ​សម្រេច​ស៊ើប​អង្កេត​បទ​ឧក្រិដ្ឋកម្ម​ប្រឆាំង​មនុស្ស​ជាតិ

នៅ​មិន​ដល់​មួយ​ឆ្នាំ​ទៀត​ប៉ុណ្ណោះ ប្រទេស​ហ្វីលីពីន នឹង​មាន​ការ​បោះឆ្នោត​ប្រធានាធិបតី​អាណត្តិ​ថ្មី​ទៀត ដែល​ជា​ការ​បិទ​បញ្ចប់​អាណត្តិ​របស់​ប្រធានាធិបតី រ៉ូឌ្រីហ្គោ ឌូទើតេ (Rodrigo Duterte)។ យោង​តាម​រដ្ឋធម្មនុញ្ញ​នៃ​សាធារណរដ្ឋ​ហ្វីលីពីន ប្រធានាធិបតី​កាន់​អំណាច​បាន​តែ ៦​ឆ្នាំ​ប៉ុណ្ណោះ គឺ​មួយ​អាណត្តិ។ ការ​ចាកចេញ​ពី​តំណែង​របស់​ប្រធានាធិបតី ត្រូវ​កំណត់​ដោយ​រដ្ឋធម្មនុញ្ញ។ សម្រាប់​បុរស​ខ្លាំង ឌូទើតេ មាន​ពេល​កាន់​អំណាច​មិន​ដល់​មួយ​ឆ្នាំ​ទៀត​នោះ​ទេ គឺ​បុរស​វ័យ ៧៦​ឆ្នាំ​រូប​នេះ​ត្រូវ​ចាកចេញ​ពី​តំណែង។ លោក ឌូទើតេ បាន​ចូល​កាន់​តំណែង​កាលពី​ខែ​មិថុនា ឆ្នាំ​២០១៦។ ការ​កាន់​អំណាច​បាន​មិន​ដល់​មួយ​ឆ្នាំ​ផង បុរស​នេះ​បាន​បើក​យុទ្ធនាការ​មួយ​គេ​ហៅថា​សង្គ្រាម​ប្រឆាំង​គ្រឿងញៀន។ សង្គ្រាម​ប្រឆាំង​គ្រឿងញៀន​នេះ...

ក្រុម​សិទ្ធិមនុស្ស៖ ការ​សហការ​គ្នា​ហាមឃាត់​ការ​បញ្ចេញ​មតិ​របស់​ពលរដ្ឋ​ខ្មែរ​នៅ​ថៃ​ជា​ការ​រំលោភ​ច្បាប់

មន្ត្រី​សង្គម​ស៊ីវិល​ទទួល​បន្ទុក​សិទ្ធិមនុស្ស​នៅ​កម្ពុជា ប្រតិកម្ម​ថា ប្រសិនបើ​មន្ត្រី​ជាន់ខ្ពស់​របស់​កម្ពុជា និង​រដ្ឋមន្ត្រី​ថៃ ពិតជា​សហការ​គ្នា​ទប់ស្កាត់​ការ​បញ្ចេញ​មតិ​របស់​ពលរដ្ឋ​ខ្មែរ​ក្នុង​ប្រទេស​ថៃ មែន​នោះ វា​គឺជា​ទង្វើ​រំលោភ​ច្បាប់​យ៉ាង​ធ្ងន់ធ្ងរ ហើយ​ជាង​នេះ​ទៀត វា​ក៏​បង្ហាញ​នូវ​រូបភាព​ដ៏​អាក្រក់​ចំពោះ​ការ​រំលោភ​សិទ្ធិ​ពលរដ្ឋ​ផង​ដែរ​ក្នុង​នាម​ជា​ប្រទេស​ប្រកាន់​របប​លទ្ធិប្រជាធិបតេយ្យ។ អ្នក​នាំពាក្យ​សមាគម​ការពារ​សិទ្ធិមនុស្ស​អាដហុក លោក ស៊ឹង សែនករុណា បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​១៦ ខែ​កញ្ញា ឆ្នាំ​២០២១ ថា សេរីភាព​បញ្ចេញ​មតិ​របស់​ពលរដ្ឋ​ត្រូវ​បាន​ធ្វើឡើង និង​អនុញ្ញាត​យ៉ាង​ពេញលេញ​ក្នុង​សង្គម​ប្រជាធិបតេយ្យ​ដែល​ពលរដ្ឋ​គ្រប់​រូប​មាន​សិទ្ធិ​រិះគន់ ឬ​ជ្រើសរើស​គណបក្ស​នយោបាយ​ដែល​ពួកគេ​គាំទ្រ។ ដោយឡែក​សង្គម​ផ្ដាច់ការ​មិន​អនុញ្ញាត​ឱ្យ​អនុវត្ត​សិទ្ធិ​បែប​នេះ​ទេ...

IDEA TALK៖ បច្ចេកទេស​នៃ​កិច្ចសន្ទនា​តាម​ប្រព័ន្ធ​អន្តរ​បណ្ដាញ

កម្មវិធី Idea Talk សម្រាប់​រាត្រី​ថ្ងៃ​ទី​១៦ ខែ​កញ្ញា ឆ្នាំ​២០២១ ស្តីអំពី៖ «បច្ចេកទេស​នៃ​កិច្ចសន្ទនា​តាម​ប្រព័ន្ធ​អន្តរ​បណ្ដាញ»។

លោក ហ៊ុន សែន៖ ការ​ចូល​ក្នុង​កិច្ចប្រជុំ​សម្ងាត់​របស់​ក្រុម​ប្រឆាំង​ជា​សញ្ញា​ប្រាប់​ថា​នៅ​កន្លែង​ណា​ក៏​មាន​មនុស្ស​របស់​លោក​ដែរ

លោក ហ៊ុន សែន នៅ​ថ្ងៃ​ព្រហស្បតិ៍ ទី​១៦ កញ្ញា អះអាង​ថា ការ​ចូល​ទៅ​ក្នុង​កិច្ចប្រជុំ​សម្ងាត់​របស់​ក្រុម​ប្រឆាំង​តាម​ប្រព័ន្ធ​អនឡាញ Zoom កាលពី​ថ្ងៃ​មុន គឺ​គ្រាន់តែ​ជា​ការ​ផ្តល់​សញ្ញា​ប្រាប់​ថា ទោះ​ជា​នៅ​កន្លែង​ណា​ក៏​មាន​មនុស្ស​របស់​លោក​ដែរ ដូច្នេះ​សូម​ប្រុងប្រយ័ត្ន​កុំ​ធ្វើ​សកម្មភាព​ណាមួយ​ប្រឆាំង​នឹង​ផល​ប្រយោជន៍​ជាតិ​ឲ្យ​សោះ។ លោក ហ៊ុន សែន ឆ្លើយតប​បែប​នេះ​ទៅ​នឹង​គណនី Facebook មួយ​ដែល​បាន​ចូល​ទៅ​សរសេរ​បែប​ឌឺដង​ឲ្យ​លោក ហ៊ុន សែន ដោយ​ភ្ជាប់​រូបថត​របស់​លោក​ដែល​បាន​ចូល​ទៅ​ក្នុង​ប្រព័ន្ធ Zoom របស់​ក្រុម​ប្រឆាំង​កាលពី​ពេល​ថ្មីៗ​កន្លងទៅ​នោះ។ គណនី Facebook...

ភាគ​៥៖ បក្ស​ប្រជាជន​កម្ពុជា​ប្រើ​មន្ត្រី​រដ្ឋាភិបាល​ធ្វើការ​ជ្រើសរើស​សមាជិក​បក្ស​នៅ​ក្រៅ​ប្រទេស

តើ​គណបក្ស​ប្រជាជន​កម្ពុជា រៀបចំ​រចនាសម្ព័ន្ធ​ចាត់តាំង​ក្រុម​យុវជន​បក្ស​នៅ​ក្រៅ​ប្រទេស​នៅ​ឯណា​ខ្លះ? នេះ​ជា​ភាគ​ទី​៥ ដោយ​ពិនិត្យ​លើ​ច្បាប់​សហព័ន្ធ​ដោយ​សង្ខេប​ចំពោះ​ពលរដ្ឋ​ខ្មែរ-អាមេរិកាំង​ធ្វើ​សមាជិក​បក្ស​នយោបាយ​បរទេស ដឹកនាំ​ដោយ​មេទ័ព​ជា​ជនបរទេស។ ឧត្តមសេនីយ៍ឯក ហ៊ុន ម៉ាណែត ថា​នឹង​ឡើង​ឋានន្តរសក្តិ​ជា​ឧត្តមសេនីយ៍​ពេញ គឺ​ផ្កាយ​៤ តាំងពី​ឆ្នាំ​២០១៨ បន្ទាប់ពី​ឧត្តមសេនីយ៍ ទៀ បាញ់ រដ្ឋមន្ត្រី​ក្រសួង​ការពារ​ជាតិ ប្រាប់​អ្នកកាសែត​ថា​នឹង​ដំឡើង​កូនប្រុស​ច្បង​លោក​នាយករដ្ឋមន្ត្រី ហ៊ុន សែន ឲ្យ​សម​នឹង​មុខងារ ឋានៈ និង​ចំណេះវិជ្ជា។ មកទល់​ពេលនេះ ហ៊ុន ម៉ាណែត នៅតែ​ពាក់​ផ្កាយ​៣...

បទវិភាគ៖ ប្រមុខ​ការទូត​ចិន​ត្រឡប់​ទៅវិញ​បាន​ត្រឹម​ពាក្យ​ថា​អរគុណ តែ​ពុំ​មាន​ការ​សន្យា​ជួយ​ចិន​ប្រឆាំង​អាមេរិក​ឡើយ

ប្រមុខ​ការទូត​ចិន លោក វ៉ាង យី បាន​បិទ​បញ្ចប់​ហើយ​នូវ​ទស្សនកិច្ច ៣​ប្រទេស​ក្នុង​តំបន់​អាស៊ាន ជាមួយ​នឹង​ការ​ទៅដល់​ប្រទេស​សិង្ហបុរី កាលពី​ថ្ងៃ​ទី​១៤ ខែ​កញ្ញា ក្រោយ​ពី​ចាកចេញ​ពី​កម្ពុជា និង​វៀតណាម។ ក្នុង​ចំណោម ៣​ប្រទេស​នេះ មាន​តែ​កម្ពុជា​មួយ​គត់​ដែល​មេដឹកនាំ​រាជាណាចក្រ​នេះ គឺ​បុរស​ខ្លាំង​លោក ហ៊ុន សែន បាន​ថ្លែង​អរគុណ​ចិន​សឹងតែ​មិន​ដាច់​ពី​មាត់​ជាមួយ​នឹង​ការ​ថ្លែង​ចំអក​ទៅលើ​ប្រទេស​ផ្សេងៗ​ទៀត ជាពិសេស​ទៅលើ​លោក​ខាងលិច និង​ក្រុម​ប្រឆាំង​ដោយ​ពោល​ពាក្យ​ថា «បើ​មិន​ពឹង​ចិន ឲ្យ​កម្ពុជា​ទៅ​ពឹង​ខាងណា ដើម្បី​ជួយ​កម្ពុជា​ក្នុង​គ្រា​លំបាក​នៃ​ការ​រាតត្បាត​នៃ​ជំងឺ​កូវីដ-១៩»។ ត្រង់​ចំណុច​នេះ លោក ហ៊ុន...

នាយករដ្ឋមន្ត្រី​ប្រកាស​បើក​យុទ្ធនាការ​ចាក់​វ៉ាក់សាំង Covid-19 ដល់​កុមារ​ដែល​មាន​អាយុ​ចាប់ពី ៦-១២​ឆ្នាំ

លោក​នាយករដ្ឋមន្ត្រី ហ៊ុន សែន ប្រកាស​បើក​យុទ្ធនាការ​ចាក់​វ៉ាក់សាំង​ប្រឆាំង​វីរុស Covid-19 ដល់​កុមារ​ដែល​មាន​អាយុ​ចាប់ពី ៦​ឆ្នាំ​ដល់ ១២​ឆ្នាំ​ចាប់ពី​ថ្ងៃ​ទី​១៧ ខែ​កញ្ញា ឆ្នាំ​២០២១ ខាងមុខ​នេះ ដើម្បី​ឱ្យ​កុមារ​អាច​ចូល​រៀន​បាន​ឆាប់​នៅ​ពេល​ដែល​គ្រឹះស្ថាន​សិក្សា​នានា​ចាប់ផ្តើម​បើក​ដំណើរការ​ឡើងវិញ។ ប្រមុខ​រាជរដ្ឋាភិបាល​កម្ពុជា នៅ​ថ្ងៃ​ទី​១៥ ខែ​កញ្ញា ឆ្នាំ​២០២១ បាន​ប្រកាស​តាម​ខ្សែអាត់​សំឡេង​ប្រវែង​ជិត ៧​នាទី​ឱ្យ​គណៈកម្មការ​វ៉ាក់សាំង និង​មន្ត្រី​សុខាភិបាល​ទូទាំង​រាជធានី-ខេត្ត​ត្រៀម​ខ្លួន​បើក​យុទ្ធនាការ​ចាក់​វ៉ាក់សាំង​ដល់​កុមារ​កម្ពុជា ក្រោម​អាយុ ១៣​ឆ្នាំ ដែល​មាន​ប្រមាណ​ជិត ២​លាន​នាក់ ដែល​នឹង​ត្រូវ​ធ្វើ​ឡើង​ក្នុង​ក្របខ័ណ្ឌ​ទូទាំង​ប្រទេស​នា​ពេល​ដ៏​ខ្លី​ខាងមុខ​នេះ។ លោក ហ៊ុន...

ពលរដ្ឋ​រងគ្រោះ​ដីធ្លី​ដោយ​ក្រុមហ៊ុន OCIC ចំនួន​៩​នាក់ ត្រូវ​តុលាការ​ចោទប្រកាន់​និង​ឃុំ​ខ្លួន​នៅ​ពន្ធនាគារ

ពលរដ្ឋ​ដែល​រងគ្រោះ​ដីធ្លី​ចំនួន ៩​នាក់ ត្រូវ​បាន​តុលាការ​ខេត្ត​កណ្ដាល ចោទប្រកាន់ និង​បង្គាប់​ឲ្យ​ឃុំ​ខ្លួន​នៅ​ពន្ធនាគារ ក្រោយ​ពី​ប៉ះទង្គិច​ជាមួយ​អាជ្ញាធរ​ដែល​បាន​រារាំង​ពួកគេ​ក្នុង​ការ​ចូល​មើល​ដី​ស្រែ​របស់​ខ្លួន ខណៈ​ក្រុមហ៊ុន OCIC កំពុង​ឈូស​ឆាយ​ដោយ​មិនទាន់​ដោះស្រាយ​សំណង​ជាមួយ​ពួកគេ​រួចរាល់​នោះ។ ការ​ចោទប្រកាន់ និង​ចាប់​ឃុំ​ខ្លួន​ពលរដ្ឋ​ជា​ម្ចាស់​ដី​ដាក់​ពន្ធនាគារ​នេះ ធ្វើឡើង​បន្ទាប់ពី​មាន​ការ​ប៉ះទង្គិច​គ្នា​រវាង​ប្រជាពលរដ្ឋ និង​អាជ្ញាធរ​ជាច្រើន​រយ​នាក់​ដែល​បាន​ដាក់​ពង្រាយ​កងកម្លាំង​របស់​ខ្លួន​ដើម្បី​ការពារ​ក្រុមហ៊ុន OCIC របស់​ឧកញ៉ា ពុង ឃាវសែ។ ក្រុម​ប្រជាពលរដ្ឋ​ដែល​រងគ្រោះ​ដីធ្លី បាន​លើកឡើង​ថា ហេតុការណ៍​ដែល​នាំ​ឱ្យ​មាន​ការ​ប៉ះទង្គិច​គ្នា​នេះ គឺ​ដោយសារ​អាជ្ញាធរ​បាន​ដាក់​របាំង​រារាំង​ពួកគេ​ចូល​ទៅ​មើល​ដី​ស្រែ​របស់​ខ្លួន ហើយ​បាន​បើក​ផ្លូវ​ឱ្យ​គ្រឿងចក្រ​របស់​ក្រុមហ៊ុន​ឈូស​ឆាយ​ដី​ស្រែ​ពួកគេ ទើប​ជំរុញ​ឱ្យ​ប្រជាពលរដ្ឋ​ខឹងសម្បា ខណៈ​ក្រុមហ៊ុន​ដែល​ឈូស​ឆាយ​នោះ​មិនទាន់​ដោះស្រាយ​សំណង​សមរម្យ​ដល់​ពួកគេ​ជា​ម្ចាស់​ដី​នៅឡើយ។ ក្រោយ​ពី​មាន​ប៉ះទង្គិច​នៅ​ថ្ងៃ​ទី​១២ ខែ​កញ្ញា ឆ្នាំ​២០២១...

ពលរដ្ឋ​ស្រុក​បុទុមសាគរ​ចោទ​មន្ត្រី​បរិស្ថាន​ថា​ដឹកនាំ​កម្លាំង​ចម្រុះ​បំផ្លាញ​ផ្ទះ​និង​ដំណាំ​ដើម្បី​យក​ដី​ឱ្យ​ក្រុមហ៊ុន

ពលរដ្ឋ​ជាច្រើន​គ្រួសារ​ដែល​នាំគ្នា​ទៅ​ចាប់​រាន​ដី​ធ្វើ​ចម្ការ និង​សង់​ផ្ទះ​តូចៗ​រស់នៅ​ក្នុង​ឃុំ​ថ្មស ស្រុក​បុទុមសាគរ បាន​ចោទ​មន្ត្រី​មន្ទីរ​បរិស្ថាន និង​កម្លាំង​ចម្រុះ​នៃ​រដ្ឋបាល​ស្រុក​បុទុមសាគរ ខេត្ត​កោះកុង ថា​បាន​ចុះ​ទៅ​រុះរើ​ផ្ទះ និង​កាប់​ដំណាំ​ហូប​ផ្លែ​របស់​ពួកគាត់​ខ្ទេចខ្ទី​គ្មាន​សល់ ដើម្បី​ប្លន់​ដី​យក​ទៅ​ប្រគល់​ជូន​ក្រុមហ៊ុន​វិនិយោគ​ទាំង​កំរោល។ ពលរដ្ឋ​ចាត់ទុក​សកម្មភាព​របស់​កម្លាំង​ចម្រុះ​ដឹកនាំ​ដោយ​មន្ត្រី​មន្ទីរ​បរិស្ថាន​ខេត្ត​កោះកុង ថា​ធ្វើឡើង​មាន​លក្ខណៈ​ព្រៃផ្សៃ និង​ប្រមាថ​ចាប់​ពលរដ្ឋ​ដាក់​គុក ប្រសិនបើ​ពួកគាត់​ណា​ម្នាក់​ហ៊ាន​ចេញ​មុខ​តវ៉ា ឬ​រារាំង​សកម្មភាព​របស់​ពួកគេ​នោះ។ ពលរដ្ឋ​រងគ្រោះ បាន​សំណូមពរ​ដល់​អភិបាល​ខេត្ត​កោះកុង អ្នកស្រី មិថុនា ភូថង ជាពិសេស​លោក ហ៊ុន សែន ជួយ​រក​យុត្តិធម៌ និង​ស្នើសុំ​ចូល​ទៅ​រស់នៅ​លើ​ដី​ចម្ការ​ដាំ​ដុះ និង​សង់​ផ្ទះ​រស់នៅ​ដូច​ដើម​ឡើងវិញ ត្បិត​ពួកគាត់​មិន​មាន​ដី​សម្រាប់​ធ្វើ​របរ​កសិកម្ម...

លោក ហ៊ុន សែន ជំរុញ​ឱ្យ​ក្រុម​វិនិយោគ​ដែល​បាត់​លុយ ៣០​លាន​ដុល្លារ​ក្នុង​ក្រុមហ៊ុន GFX ប្តឹង​ទៅ​តុលាការ

លោក​នាយករដ្ឋមន្ត្រី ហ៊ុន សែន បាន​ជំរុញ​ឲ្យ​ក្រុម​អ្នក​វិនិយោគ​ដែល​បាន​បាត់​លុយ​ចំនួន ៣០​លាន​ដុល្លារ​អាមេរិក​ពី​ការ​បណ្ដាក់ទុន​ក្នុង​ក្រុមហ៊ុន GoldFX Investment ឱ្យ​ប្តឹង​ទៅ​តុលាការ​កម្ពុជា​ដើម្បី​រក​ដំណោះស្រាយ​តាម​ផ្លូវច្បាប់។ លោក​បាន​ធ្វើ​សេចក្តី​អត្ថាធិប្បាយ​នៅ​ក្នុង​ប្រអប់​បញ្ចេញ​មតិ​លើ​ទំព័រ Facebook របស់​លោក កាលពី​ថ្ងៃ​ទី​១៤ ខែ​កញ្ញា ឆ្នាំ​២០២១ ថា ដោយសារ​មាន​អ្នក​ចូល​មក​សំណូមពរ​យ៉ាង​ច្រើន ដូច្នេះ​លោក​សូម​ឆ្លើយ​ដោយ​ខ្លី​ថា សូម​ភាគី​អ្នក​ដាក់​ទុន​វិនិយោគ និង​ម្ចាស់​ភាគី​ក្រុមហ៊ុន​សម្រុះសម្រួល​គ្នា​សិន​ទៅ ព្រោះថា​ភាគី​ទាំង​សងខាង​បាន​យល់ព្រម​ស្រុះស្រួល​រកស៊ី​ជាមួយ​គ្នា​នា​ពេល​កន្លងមក។ លោក ហ៊ុន សែន បញ្ជាក់​ថា ក្នុង​ករណី​ភាគី​ទាំង​សងខាង​រក​ការ​ស្រុះស្រួល​មិន​បាន​លើ​ករណី​ដែល​ភាគី​ខាង​ក្រុមហ៊ុន​ផ្តល់​សំណង​ហើយ តែ​ភាគី​អ្នក​បណ្ដាក់ទុន​មិន​យល់ព្រម​ទទួលយក​សំណង​នោះ...

Latest news